8 Mile

2002 / Film
23. juni 2015
3/5

Denne historia er delvis basert på Eminems liv frå hobbymusikar til profesjonell rappar. Eminem spelar sjølv i hovudrolla. Han gjer ein god figur i ein god film om Detroit og rap.

Det er det harde livet for den fiksjonelle arbeidaren og hobbymusikaren Jimmy 'B-Rabbit' Smith som er senteret for 8 Mile. Om privatlivet hans, prega av problema folk rundt han har skapt seg, og om hans forhold til enkelte kvinner, redselen for å framføra, men gode emne til å rappa når det likevel går.

8 Mile er ein godt fortald historie som både engasjerer, står fram som eigenarta i havet av filmar, og som har god musikk. Alt er ikkje perfekt. Delar av filmen er datert på ein dårleg måte, og filmen har både dødtid og periodar med det eg vil kalla oppbrukt material. Negative klisjear frå andre filmar. Dette er sjølvsagt vurdert frå min ståstad og ut frå filmar eg har sett, men det gjeld jo all vurdering som vert gjort på Filmdagbok.

8 Mile fell mellom to stolar. Eg gir ei anbefaling til deg viss du har interesse for Eminem eller historier inspirert av livet til musikarar. Og det er ein film du kan la vera å sjå om du ikkje har interessa.

8 Mile 2002 plakat - Filmdagbok