A Perfect Day (2006)

Film / 10. desember 2015
3/5

A Perfect Day blei laga for tv-kanalen TNT i 2006. Rob Lowe spelar Rob Harlan, ein mann som blir forfattar etter å ha mist jobben sin, og får oppleve stor suksess med si første bok.

Suksessen endrar livet til Rob. Han tar gradvis meir avstand til familien og har vanskeleg med å prioritere. Ein mystisk mann (Christopher Lloyd) følger etter han og stiller han ubehagelege, men viktige og kritiske spørsmål til kva han vil.

Det er ingen store overraskingar i A Perfect Day, men filmen har nokon utruleg flotte og rørande stunder, og ein solid gjeng skodespelarar som i tillegg til dei over inkluderer Paget Brewster.

I tråd med krava til å vere ein julefilm, er dette ein film som delvis går føre seg i oppkøyringa til jul. Ei høgtid der familie er viktig, og den dåverande plassen Rob er i livet blir ekstra tydeleg.

Dette er ein film som gir ei god kjensle, og som du kan sjå for å kose deg. Ikkje ein film du ser for å bli utfordra eller for å få noko nytt. Heller ikkje ein film du ser om du forventar det beste av det beste. Men ein trygg over middels film er det.

A Perfect Day 2006 plakat - Filmdagbok

Merkelapp

Julefilmar

Regi

Peter Levin

Manus

Joyce Eliason, Richard Paul Evans

Skodespelarar

Rob Lowe, Frances Conroy, Paget Brewster, Christopher Lloyd, Jude Ciccolella, Rowena King, Kevin Dunn, Meggie Geisland, Mike Pniewski, Damon Lipari

Sjanger

Drama

Land

USA

IMDb

IMDb-side om A Perfect Day

Forfattar