A Walk to Remember

Film / 2002
3/5

Ein populær ungdom som ikkje tar stort mykje seriøst hamnar i trøbbel. Vennegjengen hans pressar ein ny elev til å hoppe i ein kunstig innsjø frå eit tårn ved ein nedlagt fabrikk, og den nye eleven blir skada.

Landon (Shane West), vår populære ungdom, ender opp med å ta skulda. Straffa er å delta i ulike skuletilbod, som teaterframføring og undervisingshjelp. Der møter han Jamie (Mandy Moore), jenta som mange ser ned på, men som ikkje er vår typiske utsidar fordi.

Gradvis går det som det går, Landon og Jamie utviklar eit vennskap.

A Walk to Remember er ein film basert på ei bok av Nicholas Sparks. Det er den kjipaste filmatiseringa av hans bøker eg har sett, og etter å ha sett denne filmen på nytt for første gang på over ti år, så har eg alle filmane friskt i minne. Det betyr ikkje at filmen er dårleg, men at den har eit par kjedelege stunder og kritikkverdige ingrediensar.

Karakteren Jamie er det eg har mest problem med. Eg har ikkje sansen for utprega religiøse og dermed irrasjonelle karakterar. Med dette i tankane klarer altså A Walk to Remember seg greit, ettersom Mandy Moore har ein sentral plass i filmen. Og med tanke på at også Shane West er ein relativt anonym person. Det som fungerer er derimot samspelet, alvoret til filmen og etter kvart den triste vendinga er godt utført og porsjonert utover.

Blant romantiske drama, og ikkje minst romantiske drama basert på Nicholas Sparks-bøker, så hamnar denne nede på lista. Ei god liste, men som likevel må ha sine svakaste filmar.

A Walk to Remember 2002 plakat - Filmdagbok