An Ox's Tale: The John Entwistle Story (2006)

Film / 12. oktober 2006
3/5

Som kanskje det første store bassistikonet og visstnok den første som skal ha gjort en bassolo live, var John Entwistle en av hjørnesteinane i The Who helt fram til han døydde i 2002.

Denne dokumentaren legg naturlegvis vekt på rolla Entwistle har hatt i The Who, og spesielt korleis kjemien mellom han og Keith Moon skapte mykje god musikk på improvisorisk vis. Det er ikkje langt unna at han blir sagt å ha hatt den viktigaste rollen, men dokumentaren stopper på kanten, og omgrepet hjørnestein blir betre å bruke.

Forholdet mitt til The Who strekker seg ikkje lengre enn til at eg har høyrt eit par songar før, som Teenage Wasteland og My Generation, og kanskje en tredje. Eg har alltid vurdert dei som eit alternativ til dei altfor få albuma The Doors gav ut, men har ikkje fått høyrt nærare på dei likevel. Etter å ha sett denne dokumentaren har eg vel eigentleg ikkje fatta meir interesse for dei heller, verken det eller mindre. Dette er informativt, har eit par gode songar, men vil nok vere for dei meir interesserte enn for å trekke nye fans til gruppa. Det blir ikkje som med The Doors-filmen, som da ikkje er ein dokumentar heller, ein film som verkeleg engasjerer både fans og nye folk. Å trekke samanlikning med ein slik film er jo feil på mange måtar, men gir eit bilde av det eg prøver å sei: At dette er informasjon framfor underhaldning.

Så til konklusjonen eller liknande. Det opnar litt treigt, men etter å ha høyrt eit par kjente songar klarer eg å sette meg godt inn i dokumentaren og eg held interessa en time. Etter timen dalar interessa nesten til botnen og konsentrasjonen forsvann. Eg trur derimot denne vil vere et godt val for dei som er interessert i The Who frå før, for det er ikkje en narkotika og musikk-dokumentar, men først og fremst en musikkdokumentar, og kan en god, men enkel tidslinje på John Entwistle og The Who si utvikling.

An Ox's Tale: The John Entwistle Story 2006 plakat - Filmdagbok

Regi

Glenn Aveni, Steve Luongo, Jack Edward Sawyers

Manus

Philip Salvatti, Christina Kline

Skodespelarar

Gordon Cotten, John Entwistle, Peter Frampton, Steve Luongo, Ray Manzarek, Billy Sheehan, Billy Squier, Chris Squire, Christopher Stamp, Godfrey Townsend

Sjanger

Dokumentar

Land

USA

IMDb

IMDb-side om An Ox's Tale: The John Entwistle Story

Forfattar