Animal House

Film / 1978
4/5

American Pie, Accepted, Road Trip. Lista er lang over filmar eg kjenner igjen i Animal House. Filmen har tydeleg vore inspirasjon til ei stor mengde med high school- og collegefilmar dei siste tre tiåra.

Det handlar for det meste om drikking, hærverk og jenter. Og sjølvsagt collegebrorskap. Animal House er kallenamnet på Delta-brorskapen sitt hus. Dei får gjennomgå av både rektor og det konkurrerande Omega-brorskapet. Grunnen til dette er at Delta elskar å feste, dei får dårlege karakterar og bryr seg ikkje med andres eigedom. Dei er pøblar og bråkmakarar.

Animal House klarer seg godt i sjangeren sin, og har ingen problem med å eldast. Men som oftast som med National Lampoon blir det i overkant av hjernedød humor, og det traff ikkje helt denne gongen. Sjølv om filmen hamnar godt oppe på lista i sin kategori, så blir det ei midt på treet-plassering tvers over. Er derimot mengder av fysisk humor av bøllete art det du er på jakt etter, så sats på denne. Det er også ein film som må bli sett for dei som er vel inne i ungdomskomediar, på grunn av sitt breie spekter av hendingar som andre filmar gjerne berre brukar eit par av.

Animal House 1978 plakat - Filmdagbok