Atlas Shrugged: Part III

Film / 2014
3/5

Den siste delen av den Atlas Shrugged-filmtrilogien er som sine forgjengarar basert på det ypparste innan litteratur, men er heller røff i kantane når det kjem til det filmatiske.

Filmen tar for seg siste bit av boka Atlas Shrugged av Ayn Rand. For dei som er kjent med denne er det delen der Dagny Taggart har komme til Atlantis, og der John Galt held sin solide tale.

Komprimert til halvannen time film er det mykje som er borte, men og mykje bra som står igjen. Dialogen har klare og tydelege poeng, og lite tid blir kasta bort. Regien og etterarbeidet er det svake med filmen. Eg har sett dei fleste skodespelarane her gjere gode jobbar tidlegare, men her er det dessverre ikkje alltid så bra. Musikken, klippinga og den generelle tonen i filmen kjennest også billeg. Men så er filmen billeg produsert og siktar rimeleg høgt, så det er greit.

Eg har lese boka og har ingen problem med det som har blitt kutta ut og det som gjenstår. Filmen er ikkje boka, enkelt og greit. Men ideologien er forfriskande å oppleve som film.

I kva grad filmen har ein fornuftig samanheng på eigne bein, og for dei som ikkje er mottakelege for rasjonelle idear, er ikkje for meg å avgjere.

Atlas Shrugged: Part III 2014 plakat - Filmdagbok