Batman: The Killing Joke

Film / 2016
3/5

Filmane i animasjonssatsinga DC Universe Animated Original Movies er ein gjengangar på Filmdagbok, og har vore det i nokon år nå. Det har for lengst blitt obligatorisk for meg å sjå det nye som kjem ut, noko som har sitt opphav i at eg rett og slett likar mesteparten av filmane.

Batman: The Killing Joke baserer seg på ei historie av same namn av Alan Moore og Brian Bolland. Det er mykje handling som bli fortalt på relativt kort tid, då filmen er på snaue 75 minuttar. Som Batman og hans forhold til Batgirl, og opphavet til The Joker.

Den underliggande tematikken til filmen er psyken til ulike personar involvert. Ein sekvens kor Batman fortel til Batgirl om korleis mørke tankar trekk han i hans ofte mange håplause netter mot grufulle personar, er rett på sak. Historia om The Joker er ikkje fullt så interessant, men eg likar at ho bygg på det faktum at dette var ein fyr som ikkje hadde tatt godt nok tak i seg sjølv i utgangspunktet. Og at forklaringa på dei grufulle handlingane til The Joker ikkje ligg i noko sånt som at sånt berre skje.

Batman: The Killing Joke er ikkje høgdepunktet til DC. Han manglar litt driv og ei meir involverande og gripande historie. Meir om Batgirl hadde eg sett pris på. Og mindre om The Joker.

Batman: The Killing Joke 2016 plakat - Filmdagbok