Batman: Under the Red Hood (2010)

Film / 8. august 2010
4/5

Det nyaste tilskotet i DC Universe Animated Original Movies-familien er den tredje Batman-filmen hittil i serien, og involverer Batman, Black Mask, Red Hood og Joker. Filmen er som resten av serien, basert på eksisterande materiale frå DC, som denne gongen har vore Under the Hood av Judd Winick frå 2005.

Eg vil ikkje røpe meir av handlinga enn at hovudstrukturen til filmen er ein trekanta konflikt mellom vigilanten Batman, gangsteren Black Mask og oppkomlingen Red Hood som er en mellomting av desse to. I kampen mellom desse spelar Joker en sentral brikke. Filmen får danna ei god bakgrunnshistorie som går på tvers av fleire karakterar, noko som skapar en spenning i actionsekvensane me blir bydd. Samanhengen mellom alt og alle blir tydeleg formidla innanfor rammene av 75 minuttar, og med gjennomsnittleg kjennskap til Batman står dette for meg fram som en komplett animasjonsfilm.

Av andre sider som er verdt å nemna er kompliserte personlegdommar og noko eg vel å kalle en vaksen tone. Desse to går hand i hand. Karakterane i filmen har sine eigne verdigrunnlag, og handlar tydeleg ut i frå meir enn et oversiktleg bilde for kva som er rett og urett, godt og vondt. Me får oppleve både karakterutvikling og utnytting av svakare sider ved psyken, samtidig som filmen kan overraske ved å snu på en femøring. Løysingar av denne sort bidrar til å gi ei kjensle av at filmen ikkje undervurderer publikummet sitt, og kan nå ut til fleire aldersgrupper.

På tampen vil eg gjere det klart at dette innlegget handlar om en type animasjonsfilm som kjem rett på video. Forventningane mine er andre til ein sånn film enn en som er innom kino, og innhaldet her på lesast med dette i tankane. Om det burde vere sånn eller ikkje, er forresten ei sak å diskutere for seg sjølv. For med prislappar på DVD og Blu-ray ved lansering, samanlikna med det du får for ein kinobillett, burde du kunne krevje at dette skulle legge seg på eit nivå over?

Batman: Under the Red Hood 2010 plakat - Filmdagbok

Merkelappar

DC Universe Animated Original Movies, Batman, DC

Regi

Brandon Vietti

Manus

Bob Kane, Bill Finger, Doug Mahnke, Judd Winick, Marv Wolfman, George Pérez, Lew Schwartz, Jim Starlin, Jim Aparo, Winslow Mortimer

Skodespelarar

Bruce Greenwood, Jensen Ackles, John DiMaggio, Neil Patrick Harris, Jason Isaacs, Wade Williams, Carlos Alazraqui, Robert Clotworthy, Gary Cole, Brian George

Sjangrar

Action, Animasjon, Krim, Thriller

Land

USA

IMDb

IMDb-side om Batman: Under the Red Hood

Forfattar