Cavalcade of Cartoon Comedy

Serie
2008–2009
3/5

Seth MacFarlane er ein av personlegdommane bak nyare populærkultur eg ikkje har sansen for. Hans Cavalcade of Cartoon Comedy er ikkje det verste han har laga, men viser i grunn kor lite originalt det han lagar ofte er.

Dette er ei samling av uttak frå Family Guy. Korte innslag som aldri kom med. Det er enkelte karakterar som for eksempel berre seier nokon meiningar om ein gammal film. Likar du Family Guy, som baserer mange av sine vitsar og poeng på å kopiere alt av referansar han kan, så kan det hende du likar dette også.

Eg slaktar ikkje Cavalcade of Cartoon Comedy. Det er nokon lyspunkt. Mest av alt er det også ei rekke med inntrykk. Så om eg ikkje likar det eine, så er det neste inntrykket berre eit par minuttar unna.

I skrivande stund har berre halvparten av desse innslaga blitt lansert. Meir kjem altså, men tida vil vise om eg kjem til å sjå resten.

Cavalcade of Cartoon Comedy 2008-2009 plakat - Filmdagbok