Children of Men

Året er 2027, og menneskja har stoppa å produsere barn. Årsaka er ikkje kjent, men det er 18 år sidan førre barn blei fødd. Så dukkar håpet opp i form av den gravide flyktningen Kee (Clare-Hope Ashitey). Hovudrolleinnehavar Clive Owen, her kjent som Theo, blir reisefølgje og vernar overfor den gravide.

Det er ei brutal framtid som blir skildra, der det reine engelske samfunnet blir dyrka, og alle innvandrarar blir drive vekk igjen av massive politistyrkar. For dei som har spelt Half Life er det den same stemninga å finne her, der eit skite og forfallande bybilde møter oss med ein gong me rører oss utanfor den reine delen av London. Servert til oss på ein måte som gjer eit sterkt inntrykk.

Eg kan med handa på hjarte sei at dette var ein film som gjekk inn over meg, ikkje berre er den gravide kvinna eit av dei viktigaste objekta for å redde verda eg har sett på film, i og med at ho er levande og kanskje svaret på framtidig liv. Children of Men klarar å holde spenningskurva oppe heile vegen utan å bli slitsam, han overraskar stadig vekk. Og filmen brukar ikkje minst filmmusikk på ein sterk måte – nokon vil nok finne det litt overdrive, men eg set stor pris på det.

Children of Men 2006 plakat - Filmdagbok

Publisert

6. januar 2007 av

Regissør

Alfonso Cuarón

Manusforfattarar

Alfonso Cuarón, Timothy J. Sexton, David Arata, Mark Fergus, Hawk Ostby, P.D. James

Skodespelarar

Clive Owen, Juan Gabriel Yacuzzi, Michael Caine (I), Mishal Husain, Rob Curling, Chiwetel Ejiofor, Jon Chevalier, Julianne Moore, Rita Davies (I), Charlie HunnamVis alle 94 skodespelarar

Sjangrar

Drama, Eventyr, Science fiction, Thriller

Land

USA, Storbritannia

IMDb

IMDb-side om Children of Men