Chris Sawyer's Locomotion

Chris Sawyer's Locomotion var eit mykje etterlengta spel da det kom ut i 2004. Som stor fan av Transport Tycoon, gleda eg meg til å få prøvd ut denne etterfølgjaren.

Det artige med dette spelet er at det i stor grad har den same visuelle stilen som sin åndelege forgjengar, som skaparen Chris Sawyer kalla det. Det er den same isometriske og todimensjonale stilen, men detaljane og grafikkmotoren er fornya. Noko som betyr at spelet eigentleg er tredimensjonalt, og at oppløysinga og alt sånt var etter dagens standard.

I hovudsak går dette ut på det same som i Transport Tycoon, nemleg å bygge opp eit transportselskap. Det er nokon endringar, som gjer det litt meir interessant å spele. Men mykje er også likt. Det er nettopp denne likskapen som legg nokon avgrensingar i kor lenge eg enda opp med å spele Chris Sawyer's Locomotion. Utover det har eg ikkje mykje å utsette på spelet, men trekk det likevel ned samanlikna med sin forgjengar i rangeringa.

Chris Sawyer's Locomotion 2004 plakat - Filmdagbok