Christmas Cupid (2010)

Film / 17. desember 2015
2/5

I denne moderne nytolkninga av Charles Dickens A Christmas Carol møter me ein ung og suksessrik kvinne. Ikkje noko feil med det. Ho har derimot ikkje den beste dømmekrafta, og dette går ut over tilhøvet hennar til folk.

Då ein klient døyr og spøkelset byrjar å forfølgja ho, vert ho snart drege inn i den typiske fortida, nåtid og framtidsgreia frå A Christmas Carol. For å få betre sjølvinnsikt og moglegvis kunne redda seg sjølv frå å mista vener.

A Christmas Carol er ein av dei julehistoriene eg er mest lei av, og som eg hadde sett ned foten for å sjå fleire variantar av. Eg gjekk i gang med Christmas Cupid utan å vita at det var løyst basert på denne historia. Heldigvis er det på plassen sin å framheva adjektive løyst, for Christmas Cupid gjer sin eiga greie ut av det til den graden at eg overser koplinga.

No er ikkje Christmas Cupid den beste julefilmen akkurat, men ein nesten heilt grei og midt på treet tv-film. Det er ikkje eit snev av originalitet her, men ut frå retninga som vert teke, så er det overkommeleg.

Christmas Cupid 2010 plakat - Filmdagbok

Merkelappar

ABC, Julefilmar

Regi

Gil Junger

Manus

Aury Wallington

Skodespelarar

Christina Milian, Ashley Benson, Jackée Harry, Burgess Jenkins, Ashley Johnson, Ryan Sypek, Patrick Johnson (XXIII), Chad Michael Murray, Kenny Alfonso, Cynthia Evans

Sjangrar

Familie, Fantasi, Komedie, Romantikk

Land

USA

IMDb

IMDb-side om Christmas Cupid

Forfattar