Daredevil (2015–2018)

Serie / 5. februar 2019
3/5

Historia i Daredevil startar ei stund før Matt Murdock (Charlie Cox) får drakta si, men ei god stund etter han har lært å bruke talentet sitt til å slåst. Første sesongs raude tråd er Wilson Fisk (Vincent D'Onofrio) som antagonisten og vondskapen, som vil reinske opp i Hell's Kitchen i New York for alt det pengane er verdt. Han skyr ingen midlar, har kontaktar og kjøpe tenestemenn, og er en farleg mann enkelt og greit.

Det er mykje bra her: Wilson Fisk, miljø og stemning, seriens samanheng og hopping i tid fungerer, og det skjer mykje. Eg hoppar ikkje i taket på valet av skodespelarar, men dei passar godt nok inn til at eg ikkje lar meg skuffe heller.

Likevel er det et eller anna som manglar. Eg sit med inntrykk av at det går litt seint framover. Det skjer mykje totalt sett, men ikkje nok heile vegen. Først når første sesong er i ferd med å bygge opp mot en avslutting er eg godt fornøgd med drivet. Ei anna oppbygging kunne sjølvsagt ha vore helt feil og gjort at ting gav inntrykket av å dra ut mot slutten, noko eg ikkje synst no.

Så akkurat kva som manglar har eg vanskeleg med å sette fingeren på. Det er nok småting her og der. Uansett er det berre snakk om det som manglar for å løfte sesongen opp på et svært godt nivå.

Andre sesong er noko anna. Og dessverre ikkje så god som første. Det er ikkje en overgripande ark av same kaliber, ingen WIlson Fisk på tvers av heile sesongen. Det er fleire interessante karakterar som dukkar opp undervegs, som The Punisher og Elektra, men det dempar ikkje saknet etter ein fiende som er ein sesong verdig.

Daredevil er i utgangspunktet god underhaldning som kan anbefalast på bakgrunn av første sesong, men som eg er i tvil om kan anbefalst vidare enn det. Så i skrivande stund vil eg heller anbefale den andre Marvel-serien frå Netflix, Jessica Jones.

Eg kjem tilbake med ei oppdatering i etterkant av at eg har sett tredje sesong.

Daredevil 2015-2018 plakat - Filmdagbok

Merkelappar

Netflix, Marvel, The Defenders

Skapar

Drew Goddard

Skodespelarar

Charlie Cox, Deborah Ann Woll, Elden Henson, Vincent D'Onofrio, Royce Johnson, Geoffrey Cantor, Jay Ali, Jon Bernthal, Stephen Rider, Wilson Bethel

Sjangrar

Action, Drama, Krim

Land

USA

IMDb

IMDb-side om Daredevil

Forfattar