Destry Rides Again

James Stewart spelar den nye visesheriffen, Tom Destry, i småbyen Bottleneck. Ein by prega av mykje vald, ein korrupt borgarmeister og ein gangster som styrer byen.

Visesheriff Destry er ikkje som alle dei andre i byen. Han er i mot å gå med revolver, og handterer problem med snakk og andre gode idear. Sjølv om han eigentleg er flink å skyte. Han seier sjølv at han er prinsipielt i mot å gå med våpen, men siktar mot å halde lov og orden på ein mindre valdeleg måte.

Destry Rides Again handlar om korleis han skal få orden på Bottleneck. Filmen er full av god humor, samtidig som han har ein sterk helt som ikkje vik frå sine prinsipp. Eksempelvis har me rancheigaren Claggett som i byrjinga av filmen mistar ranchen sin i eit pokerspel. Sjølv om han følte seg lurt, meiner Destry at han ikkje kan gjere noko med det, då Claggett fullt bevisst spelte vekk sitt signerte eigarbevis på ranchen.

Eg likte filmen godt. Mykje på grunn av James Stewart og Marlene Dietrich sine gode framføringar. Men også fordi filmen har eit fint fundament i Destry sin sans for lov orden. Og fordi filmen evnar å overraske, overdrive og stå seg ut som ein særeigen film med si enkle handling.

Destry Rides Again 1939 plakat - Filmdagbok

Publisert

23. september 2018 av

Regissør

George Marshall (I)

Manusforfattarar

Gertrude Purcell, Henry Myers, Felix Jackson, Max Brand

Skodespelarar

Marlene Dietrich (I), James Stewart (I), Mischa Auer, Charles Winninger, Brian Donlevy, Allen Jenkins (I), Warren Hymer, Irene Hervey, Una Merkel, Billy Gilbert (I)Vis alle 77 skodespelarar

Sjangrar

Komedie, Western

Land

USA

IMDb

IMDb-side om Destry Rides Again