Dix pour cent

Serie · 2015–2020 · · 26. januar 2021
4/5

I 2017 såg eg først sesong av den franske agentserien Dix pour cent. Han handlar om fransk skodespelarbransje, og i sentrum av serien er eit lite agentbyrå i Paris, ASK. Kjente skodespelarar spelar versjonar av seg sjølv, som byrået representerer. Blant anna dukkar Juliette Binoche og Isabelle Huppert opp i kvar sin episode. Mange av episodane handlar om spesifikke skodespelarar, i tillegg til å handle om byrået.

I 2019 tok eg opp tråden igjen då eg fann andre og tredje sesong på Netflix. Eg hadde delvis gløymt korleis serien var, men kom fort inn igjen i han. Dix pour cent er lett underhalding, og god komedie. Musikken som blir brukt er lett og ledig og gir ein atmosfære som passar godt til dei komiske innslaga.

Den siste sesongen av serien kom ut i 2020, og blei raskt slukt når han blei tilgjengeleg på Netflix. Han markerer slutten på ein stabil og god serie.

Skodespelarane som spelar seg sjølv, framstår i stor grad som normale folk med normale utfordringar, men med gode unntak. Monica Bellucci har ein episode om seg i tredje sesong, der ho er på søken etter ein normal kjærast. Ho blir med agenten sin frå ASK på festar med vanlege folk som ikkje er filmstjerner eller milliardærar, og lærer å koke vann med vasskokar. Men sjølv om personlegdomen hennar i serien blir tulla med på denne måten, mistar aldri serieskaparane av Dix pour cent respekten for ho. Mens andre produksjonar får skodespelarar til å spele dritsekkversjonen av seg sjølv, gjer denne det på ein god måte som munnar ut i at komedien er av det snille slaget.

Eg har i tidlegare år uttrykt begeistring for mange filmar og komediar frå Frankrike på Filmdagbok. Sånn sett var Dix pour cent, eller Call My Agent! som han også er kjent som, midt i blinken for meg. Om du har sansen for det same, eller for lette seriar om filmbransjen, så kan eg anbefale denne vidare til deg.

IMDb-logo
TV Time-logo
Filmfront-logo
  • Dix pour cent 2015-2020 plakat - Filmdagbok
  • Dix pour cent 2015-2020 plakat - Filmdagbok

    Skodespel

    Camille CottinThibault de MontalembertGrégory MontelVis alle

    Sjangrar