Doggystyle (2018–2018)

Serie / 4. januar 2019
3/5

I den danskproduserte Doggystyle følger med ei ung kvinne som har mislykkast som skodespelar i København, og ikkje har noko anna val en å flytte heim igjen til sine foreldre på bygda.

Kvinna, Asta, har lite lyst å flytte heim, men økonomien hennar tvingar ho. Ho ser på seg sjølv som for god for å bu på ein liten plass, og ser ned på sine gamle venner og kjente som har blitt verande i bygda. Men etter kvart blir også ho tvinga til å stige av sin høge hest.

Doggstyle er best som komedie, med Asta sin manglande evne til å sjå sin eigen situasjon som det artigaste. Men serien tilfører også ein del godt drama, spesielt i tilknyting forholdet som utviklar seg mellom Asta og søstera som har ein form for cerebral parese. Siste episode i første sesong leverer eit godt innslag om dette, utan at eg skal gå i detaljane.

Doggstyle minnar litt om NRK-serien Blank, og stilen til seriar som Skam og 17. Det er unge menneske og kvardagen som blir skildra. Episodane er av variabel lengde, og tempoet og utsnittet av livet til Asta som er i ulike episodar er variabelt.

Doggstyle kan anbefalast om du vil sjå ein kort og ukomplisert serie, og om du har sansen for dei overnemnte seriane.

Doggystyle 2018-2018 plakat - Filmdagbok

Merkelapp

DR

Skodespelarar

Rosemarie Mosbæk, Dorte Højsted, Josephine Park, Anders Brink Madsen, Sarah Juel Werner, Jeppe Ellegaard Marling, Aske Bang, Patrick Baurichter, Jakob Femerling Andersen, Louise Gammelgaard

Sjanger

Drama

Land

Danmark

IMDb

IMDb-side om Doggystyle

Forfattar