Hitch

I 2019 såg eg Hitch på nytt for første gong sidan han kom ut i 2005. Eg blogga om filmen den gongen, og for historikkens del let eg mitt innlegg frå den gongen stå, heller enn å skrive noko nytt. Les vidare.

Filmtraileren verka god, plakaten var dårlig, og sjølve filmen er bra! Ei av dei bedre romantiske komediane eg har sett siste tida. For eg har ingenting i mot romantiske komediar, iallfall ikkje dei som faktisk er komiske.

Filmen inneheld vel ingenting nytt, og har ei dum forteljarstemme – som er tankane til hovudpersonen, og ytrar både moral og hjelpande tips. Men i denne samanhengen gjekk det. Will Smith spelar Hitch så godt som Will Smith kan spele ein fyr i ein romantisk komedie. Noko er sjølvsagt berre idiotisk, men det kjem heldigvis i skuggen av dei bedre delane. I tillegg er det ein del andre kjente ansikt her, som er greitt i ein slik film. Eva Mendes og Kevin James, pluss ein haug med folk eg ikkje hugsar eller har lært namnet på.