Jessica Jones

Serie
2015–2019
4/5

Netflix satsar stort på Marvel, og Jessica Jones er i lag med Daredevil noko av det som kom ut i 2015. Serien handlar om ei kvinne som er etterforskar, og som me lærer at også har nokon superkrefter. Men denne delen av personen hennar er noko tona ned, mens den klassiske alkoholiserte og gretne personlegdommen som gjerne følger film noir og etterforskarar på film er meir synleg.

Det er denne dystre, film noir-aktige stemninga i lag med ei tøff kvinne og ein fantastisk god skurk som gjer Jessica Jones til ein av dei beste seriane eg byrja på i 2015. Og det såg ut til at serien kunne bli ein klar kandidat til å hamna på ei toppliste hjå meg, men nivået senkar seg litt etter kvart. Så totalen er ein god serie, men ikkje noko topplistekandidat.

Krysten Ritter er Jessica, og David Tennant er skurken Kilgrave i første sesong. Kilgrave kan få alle til å gjere som han vil ved berre å snakke til dei. Samtidig er han ein ustabil og fæl fyr, som likar å sjå folk dø og ha det vondt. Jessica er ein av dei han har såra, så hennar forsøk på å få has på han blir personleg.

Det var opningssekvensen som først fekk meg forelska i serien. Elles var ikkje første episode den mest fengjande, men serien tok seg straks opp til eit godt nivå etter dette. Med ei samanhengande historie som verken kjennest forhasta eller for seint.

Andre og tredje sesong byr på nye skurkar og nye sidehistorier. Dei er ikkje så gode som i første sesong, men likevel god underhaldning.

Jessica Jones 2015-2019 plakat - Filmdagbok

Publisert

5. september 2019 av

Merkelappar

Netflix, Marvel, The Defenders

Skapar

Melissa Rosenberg (I)

Skodespelarar

Krysten Ritter, Rachael Taylor (II), Eka Darville, Carrie-Anne Moss, John Ventimiglia, David Tennant, Rebecca De Mornay, J.R. Ramirez, Janet McTeer, Wil TravalVis alle 460 skodespelarar

Sjangrar

Action, Krim, Drama, Science fiction, Thriller

Land

USA

IMDb

IMDb-side om Jessica Jones