Las chicas del cable

Serie
2017–2020
3/5

Den spanske dramaserien Las chicas del cable byrjar som ein serie med foten innanfor såpeseriesjangeren, men avsluttar som ein slags krigsserie. Undervegs er han innom så mangt, at eg ikkje kjem til å gå så mykje inn på handlinga anna enn ho som er i byrjinga av serien.

Det byrjar med at nokre unger kvinner søker jobb hjå eit telefonselskap. Dei blir fort ein samansveisa gjeng. Den eine har ein fæl mann. Ei anna har ei kriminell fortida og har bytt namn. Ei tredje kjem frå landsbygda. Og ei fjerde er ei rikmannsdotter som vil meir enn å leve på pengane til familien.

Kvardagen på sentralbordet hjå telefonselskapet er fullt av intrigar. Her er det kjærleik, vald, krim og maktkamp i store dosar. Skaparane av serien er dei same som til Gran Hotel, Velvet og Alta mar. Det betyr ei viss grad av føreseieleg handling, på den dryge måten som er artig å avsløre undervegs. Trur du at ein karakter skal seie ein bestemt replikk, så har du sannsynlegvis rett.

Serien når ikkje opp til Gran Hotel, som var mitt første møte med spansk dramaserie. Det er ikkje så mykje såpeseriepreg av Las chicas del cable, men det er berre i samanlikning mellom dei to eg kan seie det.

Etter kvart som dei første sesongane har gått sin gang så utviklar serien seg til å gå vekk frå telefonselskapet. Det verkar som serieskaparane vil skape noko seriøst og med tyngde. Det blir derimot ikkje det beste resultatet. Eg sat nok med ei forventing om at serien skulle vende tilbake til det han var, men turen innom spansk historie blei varig fram til slutten.

  • Las chicas del cable 2017-2020 plakat - Filmdagbok
  • Las chicas del cable 2017-2020 plakat - Filmdagbok
  • Las chicas del cable 2017-2020 plakat - Filmdagbok
  • Las chicas del cable 2017-2020 plakat - Filmdagbok
  • Las chicas del cable 2017-2020 plakat - Filmdagbok

    Alternativ tittel

    Cable Girls

    Publisert

    4. juli 2020 av

    Merkelapp

    Netflix

    Skaparar

    Ramón Campos (I), Gema R. Neira, Teresa Fernández-Valdés

    Skodespelarar

    Blanca Suárez (II), Yon González, Ana Fernández (V), Nadia de Santiago, Martiño Rivas, Ana Polvorosa, Nico Romero (I), Maggie Civantos, Concha Velasco, Borja LunaVis alle 151 skodespelarar

    Sjanger

    Drama

    Land

    Spania

    IMDb

    IMDb-side om Las chicas del cable

    TV Time

    TV Time-side om Las chicas del cable