Men in Trees (2006–2008)

Serie / 9. april 2008
3/5

Men in Trees er en av titlene som har sluppe forbi radaren min som sveipande har søkt over nye seriar dei siste par årene. Tittelen har gitt meg assosiasjonar til streite drama eller teite situasjonskomediar, då eg nyleg fikk meg til å lese et kort samandrag bestemte eg meg likevel for å prøvedykke.

Skildringa som ei blanding av Northern Exposure og Sex and the City er passande, sjølv snappa eg opp desse parallellane utan å ha komme over akkurat denne skildringa, som her betyr at me får ein porsjon avsideliggande småby i Alaska med sine hyggelege lokalfigurar og forholdsrelatert New York forfattarprat. Dette burde vere underbyggande nok for påstanden om likskapane andre har trukke.

Marin (Anne Heche) er ekspert på kjærleiksforhold og forfattar av hjelpande bøker på område. Da ho er innom Elmo i Alaska på foredragsturne for den siste boken si får ho vite på telefon at forlovaden hennes har vore utru. Dårlege transportforhold gjer at ho blir verande i Elmo eit par dagar ekstra, nok til å bli glad i plassen og bli verande der enda lengre mens ho stabler kjenslelivet sitt på beina igjen.

Slik blir me på linje med Marin introdusert for Elmo gradvis gjennom et av dei mest brukte verkemidla i tv-bransjen, nemleg å sende en ny person til en ny plass. Det fungerer.

Tittelen Men in Trees skal gi et bilde av kjønnsfordelinga i Elmo, prega av mannlege tømmerarbeidarar som det er. Ikkje rart Marin som kvinne blir glad i plassen som ho også ser på som inspirasjon til å skrive en ny og anna bok enn planlagt med kunnskapane ho tillegg seg ved å konversere med ekte menn.

Elmo er ingen ekte plass, men en romantisering av kva en småby i Alaska kan vere, der alle kjenner kvarandre og byen er omgitt av vill og vakker natur, her er det rom for bygdeoriginalar og jordnære karakterar som motstykke til Marin, ei kvinne som kunne ha vore henta ut frå en av altfor mange New York-seriar om sukessfyllte kvinner. I Elmo glir ho godt inn og gir serien moglegheiter å knytte seg til småhistorier utanom Elmo i ny og ne, ho blir å legge merke til sjølv om ho ikkje er den mest originale tv-karakteren.

Men in Trees er ikkje det mest originale eg har sett, det er en ok dramaserie med ein del hyggelege karakterar, intrigar nok til å gjere meg hekta, også har den slik lun, fin humor. På utføringa er det fleire ting å sette fingeren på, eg saknar mest en betre innsats på klypperommet, strukturen i heilskap er standard, men hoppinga mellom dei ulike karakterane i deler av enkelte episodar heng ikkje på greip rent tidsmessig og set seg som dårleg tenkt.

Av skodespelet er det ingen eg misliker, men heller ingen som utmerker seg som verkeleg gode, det virker å handle mykje om utsjånad, spesielt på gjesterollene.

Det negative tenker eg lite på når eg ser serien, Men in Trees er en ganske grei sak å bli hekta på, det er en koseleg serie, om sant skal sies, forvent berre ikkje originalitet opp til øyrene.

Men in Trees 2006-2008 plakat - Filmdagbok

Merkelapp

ABC

Skapar

Jenny Bicks

Skodespelarar

Anne Heche, Abraham Benrubi, Emily Bergl, Derek Richardson, Sarah Strange, James Tupper, Timothy Webber, Suleka Mathew, Cynthia Stevenson, John Amos

Sjangrar

Drama, Komedie, Romantikk

Land

USA

IMDb

IMDb-side om Men in Trees

Forfattar