Mortal Engines

I Mortal Engines er handlinga lagt til ei framtid der heile byar har hjul og flyttar seg rundt. I senteret for historia har me ei ung kvinne som søkjer etter hemn på grunn av noko som skjedde då ho var barn.

Ein av dei mektigaste byane er basert på London, og kapteinen for denne byen har store ambisjonar som det er farleg å stå i vegen for.

I lag med ein ung mann hamnar kvinna midt i ein farleg situasjon som er meir omfattande enn hennar opprinnelege agenda. Og farane truar ho og dei andre sentrale karakterane frå fleire sider.

Mortal Engines er ein visuelt slåande hovudstraumsfilm frå New Zealand. Det ser lekkert ut, og handlinga er lagt til ei spennande oppdikta verd. Innsikt i det daglege livet og små smakebitar frå kva denne verda omfattar, gjer det til ein film som er rik på inntrykk. Og som kan fore fantasien vidare. Alt me lærer bidrar også til at me kan forstå motivasjonen til dei einskilde. Eg har sett nok av filmar som går seg vill i det overfladiske og fantastiske.

Men Mortal Engines er ikkje perfekt. Filmen har endå eit stykke å gå. Etter to timar har eg ikkje komme særleg under huda på verken Hester Shaw eller Tom Natsworthy som er dei viktigaste karakterane. Men som sagt så har eg fått nok til å forstå kva som driv dei.

Filmen er av ein så stor skala med tanke på produksjonen, og sannsynlegvis kostnadane, at eg forstå at han skal treffe mange. Det er ikkje lett å skape ein unik film då. Men det skjer i blant. Eg skulle ønske at Mortal Engines fekk til meir i å involvere meg i korleis det er å bu i ei verd som ho som er skildra.

Hadde eg blitt kjent meir med karakterane og fått eit nærare inntrykk av verkelegheita i denne fantasien, så hadde det vore stega i rett retning.

  • Mortal Engines 2018 plakat - Filmdagbok
  • Mortal Engines 2018 plakat - Filmdagbok
  • Mortal Engines 2018 plakat - Filmdagbok
  • Mortal Engines 2018 plakat - Filmdagbok
  • Mortal Engines 2018 plakat - Filmdagbok

    Publisert

    18. april 2020 av

    Regissør

    Christian Rivers

    Manusforfattarar

    Fran Walsh (I), Philippa Boyens, Peter Jackson (I), Philip Reeve

    Skodespelarar

    Hera Hilmar, Robert Sheehan (II), Hugo Weaving, Jihae, Ronan Raftery, Leila George, Patrick Malahide, Stephen Lang (I), Colin Salmon (I), Mark MitchinsonVis alle 140 skodespelarar

    Sjangrar

    Action, Eventyr, Fantasi, Science fiction, Thriller

    Land

    USA, New Zealand

    IMDb

    IMDb-side om Mortal Engines