Next

Ein mann kan redde Los Angeles frå å bli blåst til fillebitar, han heiter Chris Johnson og kan sjå inn i framtida, for så å kunne ta nye val ut i frå det han ser, val som vil føre til ei endra framtid. FBI er på jakt etter han. Det er også terrorister med ei bombe som vil unngå FBI. Topp det heile med namn som Nicolas Cage, Jessica Biel og Julianne Moore, og du har Next.

Eg hadde ikkje store tankane om prosjektet, filmtraileren ga ikkje inntrykk om noko nytt. Handlingsreferatet gjorde ikkje ting betre. Etter å ha sett filmen er eg altså ikkje overbevist. Tolk meg ikkje feil, dette var spennande og dramatisk nok, det er når du tenker på greia med at ein mann kan redde åtte millionar det heile gir litt vond smak i munnen.

Opplegget er basert på fin science fiction, av den evigpopulære forfattaren Philip K. Dick. Han har blitt adoptert frå bokform til storfilm i mange, mange år. Han har skrive historia som har resultert i både Blade Runner og Minority Report. Nettopp denne måten å vinkle det på, som er inspirert av han, gav meg noko ekstra. Eg har stort sett alltid likt filmar basert på historiene hans, om ikkje anna enn på eit idémessig plan i dei verste tilfellene.

Filmen er velprodusert, og har sin del av dataanimasjon for å gi det ekstra som må til i hovudstraumsamanheng. Som nemnt over kjem dei gode skodespelarane i tillegg. Her er dei i sitt rette element, med unntak av Jessica Biel som urettferdig nok blir forbeheldt rolla som sukkertøy. Ho kan meir enn det.

Storparten av tida blir brukt til snakking og tenking fekk eg inntrykk av. Trass i ein del spenning, som eg eigentleg hadde forventa meir tidsbruk på, så er eg letta over at det blir brukt alternative metodar gjennom heile filmen. Dessutan har Lee Tamahori med redigeringshjelp fått pressa det ned til 96 minuttar, som betyr lite dødtid.

Overraskande god underhaldning med det vesle ekstra altså.

Next 2007 plakat - Filmdagbok