Non-Stop

Det du ser er det du får. Det kan seiast om filmplakaten til Non-Stop, ein film som er omtrent full av action utan pause.

Liam Neeson er i hovudrolla. Han spelar ein flymarshal med ei heimsøkt fortid, alkoholproblem og eigentleg lite sans for å fly. På ein tur må det skje som det pleier i ein actionfilm som føregår på eit fly, eller ein moderne film med Liam Neeson i, at ein situasjon oppstår.

Situasjonen i Non-Stop er eit krav om 100 millionar dollar eller at passasjerar blir drepe ein etter ein. Det einaste som blir klart tidleg er at gjerningsmannen er om bord på flyet.

Om du er kjent med og likar filmar som Taken eller andre relativt lineære spenningsfilmar med Liam Neeson, der ein dramatisk situasjon oppstår og gjerne må bli løyst ved å ty til vald, så er Non-Stop rett film for deg. Eg tykte iallfall at dette var ein sprek, om enn lite oppfinnsam sak. Han går inn for å gjere noko enkelt og spennande, og lykkast i akkurat dette.

Framdrifta er god og eg kjeder meg i grunn aldri. Filmen når eit punkt, legg til noko ekstra, går ei stund igjen, og aukar innsatsen igjen. Og sånn går det. Etter kvart tar det skikkeleg av, og det liknar ikkje realisme, men då har filmen allereie etablert seg som ein dryg og spennande actionfilm, så det fungerer.

Non-Stop 2014 plakat - Filmdagbok

Publisert

15. juli 2015 av

Regissør

Jaume Collet-Serra

Manusforfattarar

Ryan Engle, John W. Richardson, Christopher Roach

Skodespelarar

Liam Neeson, Julianne Moore, Scoot McNairy, Michelle Dockery, Nate Parker, Corey Stoll, Lupita Nyong'o, Omar Metwally, Jason Butler Harner, Linus RoacheVis alle 82 skodespelarar

Sjangrar

Action, Mysterium, Thriller

Land

Storbritannia, Frankrike, USA, Canada

IMDb

IMDb-side om Non-Stop