Payback: Straight Up (2006)

Film / 25. juli 2007
4/5

Same historie, anna film. No har eg rett nok ikkje sett kinoversjonen av Payback på nærare sju år, men Payback: Straight Up var godt ulikt i frå det vesle eg hugsar. Ei samanlikning blir urealistisk å få til på sparket utan eit gjensyn med kinoversjonen, noko eg ikkje har planlagt i næraste framtid, så det får bli med opplysningane får ein medfølgjande dokumentar.

Borte er det bilde med blå tone, Payback: Straight Up er rik på fargar og kontrastar. Vitsane er fjerna, nokon dystre scener er lagt til, så det er ikkje snakk om ein lettare film, tvert i mot. Regissør Brian Helgeland sin visjon om ein film med 1970-talsstil er resultatet.

Payback: Straight Up er ein tøff og målretta film. Men han er ikkje overdriven actionhelttøff. Drastiske val av scener gjer det til ein Mel Gibson-film utanom det vanlege. Ei frisk oppleving og ein absolutt fornøyeleg film. Dessutan er den på like under 90 minuttar. Kompakte filmar er ei fin avveksling.

Payback: Straight Up 2006 plakat - Filmdagbok

Regi

Brian Helgeland

Manus

Brian Helgeland, Donald E. Westlake

Skodespelarar

Mel Gibson, Gregg Henry, Maria Bello, David Paymer, Bill Duke, Deborah Kara Unger, John Glover, William Devane, Lucy Liu, Jack Conley

Sjangrar

Action, Drama, Krim, Thriller

Land

USA

IMDb

IMDb-side om Payback: Straight Up

Forfattar