Pet Sematary

Ein gong som barn såg eg deler av Pet Sematary i det filmen rulla over skjermen på TV 2 ein sen fredagskveld. Til slutt måtte eg slå av filmen, fordi han var for skummel.

Med dette i minne tenkte eg nyleg at det var på tide å sjå filmen igjen. Ein bommert skulle det vise seg. For Pet Sematary har ikkje tålt min alder spesielt godt, og enda opp med å bli ein av det verste Stephen King-filmatiseringane eg har sett.

Det handlar om ein gravplass for dyr, og gravplassen har spesielle eigenskapar. Dyra som døyr og blir gravlagt der, blir levande igjen. Men ikkje som sine gamle sjølv.

Dette er ei talentlaus gjennomføring av ein film, som aldri burde vore laga. Det er verken spenning eller ei interessant historie. Verkemidla er billege, og produksjonen verkar også avgrensa. Eg hakkar nok ein del ekstra ned på denne på grunn av forventingane mine. Likevel sleng eg aldri rundt meg med den dårlegaste rangeringa utan at eg både tykkjer ein film er dårleg laga og bidrar til ei elendig oppleving.

Pet Sematary 1989 plakat - Filmdagbok