Sex and the City

Filmen blei sett like etter at eg fullførte serien Sex and the City, og alt som står her vil spegle dette. Eg såg filmen som om det var ein ekstra lang episode, fire år etter. Og det fungerte utmerka.

Sett på denne måten er Sex and the City ein effektfull sak. Det er mengder av dramatikk, som tar ting både lengre og litt simplare enn serien, men som fungerer godt nettopp på grunn av bakgrunnshistoria. Lengre som i at deler av filmen overdriv så det går, og simplare som i at både åra mellom serien og filmen, og tida i løpet av filmen, eksisterer som si eiga og uforståelege greie.

Det er lett for meg å oversjå manglane i Sex and the City. Fordi eg likte serien, var eg innstilt på å sjå filmen. Fordi det har gått kort tid sidan eg såg serien, har eg ikkje hatt forventingar til filmen som noko ekstra eller spektakulært. At ting blir tatt lengre og er meir glattpolert i filmen, går fordi det er ein film, andre deler her fordi serien byggjer opp under det.

Logikken i begeistringa mi har sitt enkle utspring i interessa mi for karakterane, og i å få deira neste del av livet servert i rasande fart. Innpakkinga og strukturen har sine manglar, men det skjer mykje, og eg godtar at det som skjer passar karakterane. Ei anna sak eg alltid har likt med serien, er New York. Og sjølv om filmen for all del kunne ha handla mykje meir om New York, så er ein liten dose nok til å glede seg over.

Sex and the City 2008 plakat - Filmdagbok

Publisert

10. januar 2014 av

Merkelapp

Sex and the City

Regissør

Michael Patrick King

Manusforfattarar

Michael Patrick King, Candace Bushnell, Darren Star

Skodespelarar

Sarah Jessica Parker, Kim Cattrall, Kristin Davis (I), Cynthia Nixon, Chris Noth, Candice Bergen, Jennifer Hudson (I), David Eigenberg (I), Evan Handler, Jason Lewis (I)Vis alle 114 skodespelarar

Sjangrar

Komedie, Drama, Romantikk

Land

USA

IMDb

IMDb-side om Sex and the City