The Man in the High Castle

Serie
2015–2018
3/5

The Man in the High Castle er ein Amazon-serie, basert på ei bok av Philip K. Dick. Sistnemnte hadde vore nok til at eg skulle fatte interesse, men det var ei oppsummering av handlinga og konseptet som trakk meg inn denne gongen.

Me er i USA på 1960-talet. Men det er ikkje USA som me kjenner det frå historia. I universet til serien har Tyskland og Japan vunne andre verdskrig, og USA har blitt delt i tre: Nazistane sin del på austkysten, japanarane sin del på vestkysten og eit nøytralt område i mellom.

Serien er stort sett ei skildring av motstandsrørsla og staten i ei grufull naziverd som har fått festa seg. Her får du god innsikt i nazistane sine verdiar og hyllest av det kollektive. Og du kan bli minna på kor store likskapar det er mellom dette og sosialdemokratiet. For dette åleine er serien verdt tida si i grøss.

Som vanleg når Philip K. Dick står bak, så har dette snev av science fiction i seg. Men første sesong gav berre smakebitar på det spennande som skjer vidare. Serien sentrerer seg rundt nokon filmrullar, som eg utan å røpe innhaldet i legg til rette for at horisontane til serien utvidar seg i andre og tredje sesong.

The Man in the High Castle er ikkje perfekt. Tempo og framdrifta er dessverre låg i delar av serien. Heldigvis er nysgjerrigheita mi for alt i dette alternative universet stor, så eg overlever dødpunkta.

Her har du også styrkande til tenester som Amazon Prime i form av å lansere alt samtidig. Hadde denne serien gått over ti veker, med ein episode kvar veke, ville eg ha opplevd at serien stod i stampe. Men å kunne sjå alt fortløpande er ein stor fordel med The Man in the High Castle.

  • The Man in the High Castle 2015-2018 plakat - Filmdagbok
  • The Man in the High Castle 2015-2018 plakat - Filmdagbok
  • The Man in the High Castle 2015-2018 plakat - Filmdagbok
  • The Man in the High Castle 2015-2018 plakat - Filmdagbok

    Publisert

    10. desember 2019 av

    Merkelapp

    Amazon

    Skapar

    Frank Spotnitz

    Manusforfattar

    Philip K. Dick

    Skodespelarar

    Alexa Davalos, Joel de la Fuente, Rufus Sewell, Chelah Horsdal, Brennan Brown, DJ Qualls, Cary-Hiroyuki Tagawa, Rupert Evans, Luke Kleintank, Gracyn ShinyeiVis alle 498 skodespelarar

    Sjangrar

    Drama, Science fiction, Thriller

    Land

    USA, Storbritannia, Canada

    IMDb

    IMDb-side om The Man in the High Castle

    TV Time

    TV Time-side om The Man in the High Castle