The Stepford Wives

Fordi eg hadde sett The Stepford Wives før, var målet mitt denne gongen å finne ut ting som kunne vere avslørande når det gjaldt å vise at kvinnene var robotar. Men eg fann ut ganske fort at det ikkje var filmen til å forstå noko meir av andre gongen du ser han, trass i at avsløringane kjem meir mot slutten av filmen.

Skjønar du ikkje at kvinnene er robotar med ein gong du ser måten dei oppfører seg på, så har du skjønt lite. Introduksjonen var ei glede å sjå igjen, skikkeleg retro, og det er positiv meint. Elles vil eg seie at filmen er ein middels film, han var ikkje kjedeleg å sjå igjen, men var heller ingen oppvekkar.

Eg har ikkje sett The Stepford Wives frå 1975 endå, som har fått betre tilbakemeldingar, men likte uansett denne filmen passe bra.

Fargane og sjølve miljøet i Stepford er 1950-talet i overdriven og høgtidleg stil, og gjer latterleggjeringa av det perfekte god og tydeleg, men på ein morosam måte. Filmen lev som mange andre filmar ikkje opp til filmtraileren, utan at det trakk så altfor mykje ned. Ein liten ting som eg saknar var meir thriller. Hadde filmen vore skumlare, noko han absolutt hadde potensial til å bli, hadde han nok sett betre ut i mine auge.