Hopp til hovedinnhold
Plakat for A Bad Moms Christmas (2017)

A Bad Moms Christmas

Film
3

Me er i slutten av januar, og eg var visst ikkje ferdig med julefilmar denne vinteren likevel. Etter å ha sett Bad Moms, fall valet ein kveld på å sjå oppfølgaren A Bad Moms Christmas.

Mila Kunis, Kathryn Hahn og Kristen Bell gjentek alle rollene sine i sentrale posisjonar som mødre i ein film med delvis seriøs bodskap og useriøse innslag. I noko større grad enn i Bad Moms er det tullet som blir framståande.

A Bad Moms Christmas er difor ein noko svakare film. Men filmen er ikkje fri frå å ha ein raud tråd. Her handlar det om forholdet dei tre mødrene har til sine mødre igjen. I samband med at jula nærmar seg, får alle tre besøk av sine foreldre.

Dei tre eldre mødrene på besøk tilfører filmen passande utfordringar for dei tre viktigaste karakterane. Mila Kunis har den mest seriøse utfordringa, medan mora til Kathryn Hahn kjem med mykje tull og mora til Kristen Bell berre er rar og klengete.

Filmen klatrar til same stad på skalaen som Bad Moms. Men sett opp mot kvarandre er det den svakaste av dei to.

Stuart Wren på Stu Loves Film (stulovesfilm.com) saknar òg sjarmen frå originalen. Han meiner dei kjende karakterane overraskar mindre denne gongen, og at manus ikkje gir det gode samspelet nok å arbeide med. Christine Baranski får likevel ros for dei skarpe replikkane. Eg er meir nøgd med resultatet, men kjenner att korleis det ekstra tullet tek plass frå den gode kjerna.