
Aftermath
Det er mindre musklar og meir sorg i Aftermath enn ein kanskje ventar av ein film med Arnold Schwarzenegger. Han spelar ein mann som ikkje har noko enkelt mål å kjempe seg fram til. Det som er tapt, kan ikkje hentast tilbake.
Roman (Arnold Schwarzenegger) mistar familien sin i ei flyulykke. Flygeleiaren Jake (Scoot McNairy) får også livet snudd på hovudet av katastrofen. Historia følger etterverknadene for dei to, medan Roman sitt behov for eit svar etter kvart blir til eit spørsmål om hemn.
Det er både trist og tungt. Eg synest likevel filmen har spenning. Det ligg noko uroleg i å følge ein mann som har mista så mykje, og som rettar smerta mot nokon han meiner har ansvar. Eg veit kva retning ei slik forteljing kan ta, men ikkje korleis møtet mellom dei vil bli.
Simon Abrams på RogerEbert.com (rogerebert.com) meiner filmen viser sorga på for mange av dei same måtane. Han finn likevel mykje i den nedtona innsatsen til Arnold Schwarzenegger. Eg har eit noko betre forhold til heilskapen. Det tunge preget er også ein del av det som gjer historia interessant for meg.
Det er ikkje eit drama som løftar seg heilt opp. Men eg får nok å følge med på i det som skjer etter ulykka.
