Hopp til hovedinnhold
Plakat for All About Steve (2009)

All About Steve

Film
3

Ein film eg meiner er betre enn sitt rykte, er All About Steve. Ein komedie med Sandra Bullock, Thomas Haden Church og Bradley Cooper. Og fleire, men det får halde med nemning av kjente namn.

Sandra Bullock er ei eksentrisk kvinne som lager kryssord. Ho er stereotypen av ei kvinne som ikkje trekk menn på film, med triste klede og stygge briller.

Omstende fortalt i filmen gjer at ho blir opphengt i ein fyr, Steve, og bestemmer seg for å følge etter han. Han reiser i jobben, som kameramann for ein tv-stasjon, og All About Steve blir ein film om denne sprø etterfølginga og ei anna historie som utfoldar seg.

Eg skulle tru denne filmen prella av meg, så føreseieleg og enkel han er. Sandra Bullock er derimot fantastisk, og morosam, i ei stereotypisk rolle. Og eg lar meg underhalda gjennom heile filmen. Dette er ingen stor filmkunst, eller komedie, eller nødvendigvis romantisk komedie, men det har altså Sandra Bullock ved seg som ein styrke.

Det som fungerer for meg, blir langt meir irriterande for MaryAnn Johanson på FlickFilosopher (flickfilosopher.com). Ho meiner filmen både overdriv det sære ved Mary og behandlar henne urettferdig, og finn meir å like i nyheitssatiren rundt Thomas Haden Church. Eg får mest ut av Sandra Bullock. Framføringa hennar gjer den enkle historia morosam nok til at eg blir med, sjølv om eg skjønar at nettopp den stilen kan bli for mykje for andre.