Hopp til hovedinnhold
Plakat for Body Heat (1981)

Body Heat

Film
3

Ei varmebølge brer seg over Florida, USA. Ei kvinne overtydar ein mann om å drepe ektemannen hennar. William Hurt og Kathleen Turner sveittar seg gjennom filmen halvnakne til cheesy filmmusikk.

Body Heat si sterkaste side er stemninga. På ein god andreplass er den klassiske historia om ei femme fatale, ei historie som gradvis tilfører filmen meir spenning.

Så er problemet mitt med filmen at det tar lang tid å komme dit hen at det blir interessant. Og at filmen si klassiske historie elles også blir fortalt litt tregt.

For Gareth Rhodes på Gareth Rhodes Film Reviews (garethrhodes.wordpress.com) bygger varmen og musikken ei draumeliknande stemning som held spenninga oppe. Han meiner også begjæret til hovudpersonen gjer dei seinare vala truverdige. Eg likar den same gjennomførte atmosfæren, men ventar lenger på at historia skal gripe meg. Her skil nok stemning og framdrift lag for min del, sjølv om dei fungerer tett saman for han.

Den store klisjeen filmen er blitt, er ei side eg kan la meg underhalda av. Det sveitte, røykande og hudprega uttrykket er utprega, men gjennomført. Detaljer som at Ned (William Hurt) alltid stoppar på joggeturane sine for å ta ein røyk er festlege innslag.

Body Heat ligg omtrent på midten mellom god og dårleg, men litt over. Det er derimot ikkje ein film som eg kan anbefale.