Hopp til hovedinnhold
Plakat for DC Showcase: Green Arrow (2010)

DC Showcase: Green Arrow

Film
3

DC Showcase er ei rekke kortfilmar som er til for å introdusere superheltane til DC. I denne er det Green Arrow som står for tur.

Green Arrow er den unge og rike Oliver Queen på dagtid, som hentar fram pil og boge og kjempar mot kriminelle på nattetid. Han har ingen spesielle krefter, men er fysisk sterk og dyktig med sitt våpen.

Funksjonen til historia er mest for å vise kven Green Arrow er og kva han kan, og er ikkje verdt å gå i djupna på. Kortfilmen oppnår det han skal, og sjølv om eg har fått noko innsikt i superhelten gjennom serien Smallville, er røtene hans som fortalt i teikneserien tydelegare her.

Den korte speletida set også ramma for vurderinga til Matt Sernaker på ComicsOnline (comicsonline.com). I omtalen av samlinga peikar han på at DC Showcase: Green Arrow har lite karakterutvikling og historie, men rosar animasjonen. Eg synest også det enkle opplegget er tilstrekkeleg her. Målet er å vise kva denne helten kan, og då fungerer kortfilmen utan at handlinga treng å vere spesielt innfløkt.