
Dr. No
Dette innlegget blei opphavleg skrive 27. oktober 2008, då eg første gong såg Dr. No. Nyleg såg eg filmen igjen, og han har både halde seg godt, samstundes som at innlegget framleis speglar mine meiningar godt. Kanskje med unntak av at eg no også tykte at humoren i filmen traff meg endå betre. Les vidare.
Når det gjeld dei eldre James Bond-filmane har eg så dårleg oversikt at eg ikkje eingong veit om eg har sett Goldfinger. Dette har eg tenkt å gjere noko med. Ingenting av det eg har sett, har vore dårleg. Eller kanskje kjedeleg er eit betre ord. Derfor har eg bestemt meg for å starte frå starten og sjå filmane i rekkefølgja dei kom ut, framfor tilfeldig.
Først ute er Dr. No, med Sean Connery i råvelde av retten til å drepe. Eg har ikkje vigd ein tanke til kor godt filmen introduserer oss for James Bond. Eg veit kven James Bond er og har ein idé om kva filmar som ventar meg. Det likar eg godt nok til å ha starta frå starten.
Sean Connery er ein fyr med glimt i auget og eg set pris på korleis han er som James Bond. Filmen er ikkje i overmåte oppstasa med høgteknologiske instrument, men han har ein spiss som gjer at det ikkje er blir ein etterforskingsthriller. Humor og spenning er to viktige stikkord og eg har ingenting å utsette på valet av eit fargerikt miljø. Delar av filmen er spelt inn på Jamaica.
Frå eit heilt nytt James Bond-publikum kjem ei litt meir avmålt vurdering på H.A.K.’s Reviews (haksreviews.blogspot.com). Skribenten meiner filmen introduserer agenten godt og byr på brukbar action og spenning, sjølv utan det store utvalet av tekniske hjelpemiddel. Likevel blir han ikkje heilt oppslukt. Eg er meir begeistra, men kjenner att at Sean Connery og dei enkle James Bond-ingrediensane er mykje av det som ber filmen.
For å halde det gåande med litt om kvar film etter kvart som dei blir sette, blir det ikkje fleire ord om denne. Eg vil la vurderinga tale for seg. Dette er stort sett ein god film, eit par småting her og der, som litt lange sekvensar, men han skal ha for ikkje å haste av garde og eg kan ikkje trekke fram noko som nemneverdig negativt.
