
Eurovision Song Contest: The Story of Fire Saga
Forventingane mine var kanskje ikkje dei høgste til Netflix-filmen Eurovision Song Contest: The Story of Fire Saga. Det var ikkje på grunn av Will Ferrell eller Rachel McAdams, men meir det at filmen blei lansert på Netflix.
Eg såg i utgangspunktet for meg ein film som ville gjere narr av Eurovision Song Contest. Men dette er ein film som har ein fin balanse mellom å ha det moro på rekninga til songkonkurransen, og hylle han.
Dei siste åra har ikkje Will Ferrell spelt i dei største suksessane. Når eg tenker på dei gode filmane hans så kom dei fleste mellom 2000–2010. Ein av mine favorittar som er Blades of Glory frå 2007, er ein god film å samanlikne Eurovision Song Contest: The Story of Fire Saga med. Det handlar om meisterskap, og er stort sett basert på humor og vås.
Ei anna sak som overraska meg her var dei gode songnummera. Eg såg ikkje for meg så mange originale songar, som er gode blandingar av å vere fengande og humoristiske.
Musikken og den varme tonen gjer mykje av arbeidet. Jeremy Greer på Jeremy H. Greer (jeremyhgreer.wordpress.com) meiner filmen fangar kjærleiken til konkurransen, sjølv med all den tullete humoren. Han trekker særleg fram songane og det overraskande hjartet i historia. Eg kjenner att den kombinasjonen. Filmen har meir å by på enn berre å gjere narr av Eurovision.
Til å vere ein komedie stikk filmen litt djupare enn eg har enda opp med å forvente av komediar i vår tid. Filmen byr på både jordnære stunder og fantastiske augeblikk. Eg vil kunne anbefale filmen både til fans av Will Ferrell og Eurovision Song Contest.
