
Focus
Focus er ei passe typisk glamorisering av tjuvar på film. Ingrediensane som utgjer filmen er flotte miljø og luksuriøst ekstrautstyr. Ingenting feil med det. Når du har med svindlarar å gjere, så blir det ofte til at det også handlar om partnarar som lurer kvarandre, og som du aldri heilt veit kor står. Litt som i ein vanleg spionfilm. Det er dette Focus også handlar om.
Det er underhaldning, og eg lurer på kven som prøver på kva. Men det er alltid lagt opp til at du veit at nokon prøver å lure andre, så den store spenninga er fråverande. Det er mykje overflatisk, som eg forventa av ein Will Smith-sentrert storfilm, men også det er heilt ok.
Både det beste og verste eg kan seie om Focus er at det er akkurat den filmen eg trudde han skulle vere. Heilt grei underhaldning, ukomplisert, stjernefaktor og alt det der.
Patrick Alexander på JumpCut Archive (jumpcutarchive.wordpress.com) meiner også me veit nokolunde kva me får. Han likar dei raske svindelscenene og den velkjende sjarmen til Will Smith, sjølv om historia følger gamle spor. Det er mykje av den same avtalen eg går inn i filmen med. Eg treng ikkje at alt er nytt, men blir heller ikkje særleg spent når eg heile tida ventar på neste knep.
