
Friday the 13th Part VIII: Jason Takes Manhattan
Smak på tittelen. Litt musikalaktig som i The Muppets Take Manhattan kanskje?
Her handlar det om ungdommar, igjen, og Jason. Handlinga går føre seg på eit cruise som er på veg mot New York. Høgdepunktet i filmen er sjølvsagt ved framkomsten.
Det er ikkje heilt bra dette. Jason i store folkemengder blir rart og feil, men det fungerer akkurat greitt nok likevel. Når eg har kome meg så langt i filmserien veit eg jo kva eg går til, så forventingane var justert.
Det er også New York-delen som fungerer best for skribenten på Slashers, Splatters, & Giallos (captaincracker.blogspot.com). Filmen får hard kritikk, men jakta gjennom byen blir trekt fram som både oppfinnsam og meir spennande enn resten. Eg synest framleis Jason blant alle desse folka blir litt feil, men det er her den nye ramma i det minste gir filmen noko anna å spele på enn endå ein tur rundt innsjøen.
