
High School Musical 2
Disney-barna frå High School Musical er tilbake i denne oppfølgaren, som i likskap med sin forgjengar er laga for Disney Channel.
Eg likte den første filmen. Det var eit lite fyrverkeri og ei positiv overrasking. Ingen klassikar, men underhaldande og glad. High School Musical 2 følger i same spor, men kjennest også som oppgulp av det same, berre ikkje så gjennomført.
Skulen er over, og som så mange ungdomskomediar tidlegare så flyttar handlinga til ein country club kor dei fleste får sommarjobb. Dette er ein uoriginal vri eg faktisk set pris på, då det er så typisk ungdomsfilm frå 1980-talet at eg får gode assosiasjonar.
Det meste som skjer her er derimot ikkje av interesse, og songane fengjer heller ikkje nok i High School Musical 2.
På The Novice Cinephile (novicecinephile.wordpress.com) blir oppfølgaren også rekna som mindre morosam enn den første. Skribenten meiner konflikten rundt Troy er vanskelegare å tru på, medan musikken byr på meir av det same. Eg får mest glede av sjølve sommarjobbmiljøet. Det vekker gode ungdomsfilmminne, men kan ikkje åleine erstatte songane og energien som fekk den første filmen til å overraske meg.
