
Irma Vep
Irma Vep handlar om ei nyinnspeling av ein fransk klassikar, Les Vampires. Regissøren av nyinnspelinga har ein visjon, men klarar ikkje heilt å få det til.
Frå Hongkong har han hyra ei skodespelarinne som skal få ei sentral rolle. Ho kjem inn frå sidelinja til eit hektisk produksjonsmiljø.
Filmen er full av godt formidla kaos, men blir for meg litt uinteressant og tynn. Han er god på nokre delar på eit metanivå, men eg blir ikkje interessert i nokon av karakterane eller historia.
Jake Cole finn meir å engasjere seg i bak kaoset på Not Just Movies (armchairc.blogspot.com). Han les nyinnspelinga som ei utforsking av fransk film si uro for eigne idear og forholdet til Hollywood. Maggie Cheung si tilknyting til andre filmtradisjonar opnar etter hans syn for noko nytt. Det gir eit rikare perspektiv på metanivået eg såg, sjølv om ein slik tanke ikkje åleine får meg nærare personane i filmen.
