Hopp til hovedinnhold
Plakat for La Science des rêves (2006)

La Science des rêves

Film
3

Michel Gondry står bak denne filmen, som er ei vanskeleg kjærleikshistorie som hoppar saumlaust frå realisme til surrealisme. Det høyres kanskje forvirrande ut, men flyten her er god.

Stéphane (Gael García Bernal) er mannen med dei rare draumane som utgjer den surrealistiske sida av filmen. Dei er ikkje alltid lett å skilje frå det som tilsynelatande skal vere ekte, for Stéphane oppfører seg litt annleis enn det folk vanlegvis gjer i andre sitt selskap. Noko som går igjen i dei tydelegaste skildra fantasiane er punktfotograferte figurar av alt frå dorullar til tøy fylt med mekanikk.

Dei som har sett Eternal Sunshine of the Spotless Mind kan forstå dette som ein film der Michel Gondry har fått lov til å utfolde seg i mykje større grad på det kunstnariske, utan at det går ut over underhaldninga. Filmen er ikkje tung å fordøye, han er også både lys og koseleg. Sjølv synest eg den var tvers i gjennom ei god blanding av trist drama og god humor, og han har fleire scener som rett ut var hysterisk morosame. Det er alltid positivt når eg kjem over ein film som kan vere det.

Gael García Bernal og Charlotte Gainsbourg får mykje av æra hjå Jared Mobarak på Jared Mobarak’s film reviews blog (jaredmobarakreviews.wordpress.com). Han meiner skodespelet deira held kjenslene jordnære når fantasien elles kunne ha teke heilt over. Det er ei fin utfylling av det eg likar med blandinga. Dei heimelaga draumeverdene blir ikkje berre noko fint å sjå på, men høyrer til ei kjærleikshistorie der både det morosame og det triste får plass.

Filmen heiter The Science of Sleep på engelsk.