Hopp til hovedinnhold
Plakat for Laws of Attraction (2004)

Laws of Attraction

Film
3

Pierce Brosnan og Julianne Moore spelar to advokatar i denne romantiske komedien kor handlinga er lagt til New York. Dei møtes i rettssalen mot kvarandre i ei skilsmissesak, noko som blir starten på både eit veksande forhold, men også ei lang rekke av rettssaker kor dei jobbar mot kvarandre.

Filmen består av det nødvendige for å bli ei underhaldande stund. Skodespelarar i ypparste klasse og god komedie, om enn noko datert. Sjølve gangen i handlinga er så føreseieleg som det går, men så er heller ikkje dette typen film å trakte etter viss du forventar noko anna enn at forskjellar tiltrekk kvarandre og endar opp i lag.

Stjernene får også ros av MaryAnn Johanson på FlickFilosopher (flickfilosopher.com), men ho meiner at eit klønete manus og gjentekne gaggar sløsar bort potensialet deira. Ho saknar den kvikke komedien paret kunne ha levert. Eg er meir nøgd med underhaldninga, sjølv om historia er føreseieleg. Det seier kanskje noko om kor mykje forventningane styrer utbytet av ein slik romantisk komedie.