Hopp til hovedinnhold
Plakat for Louis C.K.: Hilarious (2010)

Louis C.K.: Hilarious

Film
3

Standupkomedie er det vanskeleg å skrive om. Spesielt når det er showet til ein person som Louis C.K, som eg har skrive om før. Humoren hans er jo trass i alt stort sett den same frå år til år, som er det vanlege intervallet mellom utgjevingane hans.

Louis C.K.: Hilarious er ikkje det beste eg har sett han gjere. Det er artig, men det er ikkje nok til å vere artig heile vegen. Eg har sett fire av hans framføringar til no, og halvparten har eg rangert 3/5, mens den andre halvparten er 4/5.

Det er med andre ord trygt å sjå det meste med Louis C.K, men du har nokon val å ta om du vil sjå berre det beste, og her når ikkje Louis C.K.: Hilarious opp som sagt.

Drew Harmon på San Francisco Comedy Blog (sfstandup.com) er meir begeistra og meiner Louis C.K. finn nye vegar inn i velbrukte tema som foreldreliv og flyreiser. Han framhevar korleis sjølvkritikken gir humoren meir innhald enn ei rekke klager på andre. Eg likar også den sida ved stilen, men synest ikkje dette showet held same nivå heile vegen. Det kjende uttrykket er framleis artig, berre ikkje blant dei beste utgåvene eg har sett.