Sjølv om eg ikkje likte Night at the Museum frå 2006 spesielt godt, så er eg fan av Ben Stiller. Dette var nok til at eg omsider såg denne oppfølgjaren.
I Night at the Museum: Battle of the Smithsonian er han og eit par andre kjente karakterar frå første film tilbake, inkludert cowboyen Jedediah spelt av Owen Wilson.
Det blir nok ei natt med sprø hendingar i museumssamanheng. Handlinga blir lagt til det omfattande lageret og det nasjonale museet i USA som er Smithsonian.
Eg må vel innrømme at dette er like lite engasjerande som den første filmen. Målgruppa er nok ikkje kresne personar som meg, som tykkjer at bruken av historiske personar i ei komisk blanding er litt teit. Eg har sett nok av det til å vere lei konseptet.