I Pingu: A Very Special Wedding deltek den vesle pingvinen i eit bryllaup med familien sin. Dei besøker nokon som ser ut til å vere ei søster eller annan slektning av enten mora eller faren til Pingu. Ho skal gifte seg med ein grøn pingvin. I bryllaupet møter Pingu ein grøn pingvin på sin alder, som han blir venn med.
På sin koselege og milde måte i tråd med tv-serien Pingu, byr denne kortfilmen på litt spenning, men stort sett uskuldige augeblink som er til å humre av. Den kreative animasjonen og liksomspråket som blir brukt er på sitt vis med på å poengtere dei enkle poenga i større grad enn det ekte tale ville ha gjort.