Hopp til hovedinnhold
Plakat for Running Scared (2006)

Running Scared

Film
3

Musikken er litt rar, men reint bortsett frå det er dette ein habil actionthriller. I jakta på ein pistol på avvegar følger me Joey Gazelle og vennen til sonen hans Nicky, Oleg Yugorsky, gjennom eit hardt miljø med hallikar, gangsterar, våpen og narkotika. Relasjonane til Joey er ikkje dei beste og handlinga som blir gjort i starten får dramatiske konsekvensar.

Filmen er mørk i bilde og gir ei dyster og kald stemning. Det er lite smil, men heller mykje skyting og mørkt raudt blod som flyt. Dette er ikkje favorittsjangeren min, men god nok underhaldning, og slettes ikkje traudig. Eg kunne likevel ha vore meir engasjert, men det er ingenting som rører meg. Verken i å vere grotesk eller kjensleladd.

Me møter Joey Gazelle (Paul Walker). Mange kjenner Paul Walker som Brian (Paul Walker) i The Fast and the Furious og Jared (Paul Walker) i Into the Blue. Men dette er så mykje betre enn teite asiatiske bilar at eg faktisk ikkje tenkte over at det var same fyren. Eg held meg heller til ein klassisk Mustang og ser blodstrøyming med skitten stemning.

Matt Adcock på Darkmatters (darkmatt.blogspot.com) les filmen som eit moderne, svært mørkt eventyr. Han finn mykje glede i den ville ferda gjennom eit miljø fullt av farlege figurar, og rosar Paul Walker i hovudrolla. Eg får også meir ut av han her enn eg venta, men held større avstand til resten. Farten og den skitne stemninga gir god underhaldning utan at eg blir særleg rørt eller opprørt av det eg ser.