
Seraphim Falls
Det er i etterkrigstida til den amerikanske borgarkrigen. Ein mann jaktar ned ein annan, for å ta hemn for noko som skjedde under krigen. Me får frå første minutt oppleve ei heseblesande og blodig jakt. Og etter kvart som filmen utspelar seg får me gradvis fortalt bakhistoria. Seraphim Falls er ein god film på å dosere ut dette, og held meg stort sett engasjert mesteparten av tida. Men det sit ikkje heilt som støypt, utan at eg heilt klarar å sette fingeren på kva som skulle ha vore gjort annleis.
Eit meir konkret problem finn skribenten for Common Sense Movie Reviews (commonsensemoviereviews.blogspot.com). Den intense første delen får ros, men omtalen meiner jakta etter kvart blir strekt ut og at den merkelege sluttdelen passar dårleg til resten. Det kan vere ein måte å forstå kvifor heilskapen ikkje sit heilt for meg. Ei sterk opning og ei gradvis avsløring av bakhistoria garanterer ikkje at resten får same kraft.
