
She's Funny That Way
Filmskapar Peter Bogdanovich har ikkje regissert mange kinofilmar dei siste årene. Og eg kan nesten ane at han har lagt mykje tid i å gjere samanhengen i She's Funny That Way komplett.
I ein film som på sett og vis kan minne om ein Woody Allen-komedie av det mindre nevrotiske slaget, får me kjærleik, utruskap, teater og New York. Eit solid knippe av skodespelarar er samla føre kamera. Hovudrolla innehar Imogen Poots, som er fantastisk i drakta til ein noko enkel karakter. Eit godt bilde på ein av styrkane til filmen, nemleg å gjere det enkle og typiske på ein veldig god måte. Alt frå tilnærma stereotypiske karakterar til komplikasjonane i kjærleik og forhold.
Gleda over ensemblet finn eg igjen hos J. Giambrone på J. Giambrone (jgiambrone.wordpress.com). Han rosar både manuset og skodespelarane, og meiner Owen Wilson held noko jordnært ved like sjølv i dei mest absurde situasjonane. Det er ein fin måte å peike på kvifor dette fungerer. Forviklingane kan bli store når folka midt i dei framleis har eit uttrykk som gir dei liv.
She's Funny That Way er komedien av typen eg traktar etter, der du får latter, kjensler og alt gåre føre seg i eit miljø som får sitt eige liv.
