Hopp til hovedinnhold
Plakat for Si le vent soulève les sables (2007)

Si le vent soulève les sables

Film
4

Ein afrikansk familie blir tvinga til å flytte på grunn av langvarig vassmangel. Med kone, to søner og ei dotter på slep legg Rahne i veg mot nordaust. Dette skal bli ein hard tur, vassmangelen strekk seg over store landområde og vegen er full av bandittar, opprørarar og slu militære.

Sjølv om eg aldri blei rørt er Si le vent soulève les sables ein trist film. Det skjer dødsfall og andre tragediar undervegs som familien rett og slett ikkje kan ta seg råd til å ta seg nær av. Vassmangel er eit stort problem og filmen slår aldri fast at dette skjer på ein spesifikk plass for å framheve dette. Handlinga går føre seg i eit behageleg tempo utan å bli kjedeleg. Filmen er som nemnt ikkje rørande, men interessant.

Ariana Mirza, i ei omtale frå Qantara attgjeven på Full Moon Fever (fullmoonfever.wordpress.com), meiner små rørsler og knapp dialog lèt oss komme nærare familien utan store kjensleutbrot. Ho legg særleg vekt på verdigheita og humoren dei held fast ved. Eg blir ikkje like sterkt gripen, men set pris på den same nøkterne tilnærminga. Tragediane får vere ein del av reisa utan at filmen heile tida må fortelje oss korleis me skal reagere.

På engelsk heiter filmen Sounds of Sand.