
Singin' in the Rain
Musikalsjangeren er ein lite utforska sjanger for meg, noko som kan merkast om du blar deg gjennom kategorien her på Filmdagbok. Det skal difor ikkje så mykje til for å hevde seg i toppen, noko denne filmen absolutt gjer. Og det ville han nok ha gjort om kategorien var meir oppfylt òg. For det er ikkje berre det at filmen har ein del gode songnummer, han er ein varm og fin romantisk komedie i tillegg.
Men ingen filmar er perfekt, og eg vart faktisk litt plaga av ei scene midt inne i filmen, der Lina Lamont feilar på å snakke inn i mikrofonen. Det var ei scene som drog ut i lengste laget, og irriterte nesten livet ut av meg. Det var heldigvis den einaste store tingen eg har å utsette på Singin' in the Rain, som klarte å få meg til å synge med med den grufulle songstemma mi som ligg fleire nivå under den til Lamont.
Det fine er at songane også høyrer til menneska og historia. Brian Eggert på Deep Focus Review (deepfocusreview.com) meiner filmen lèt dans, humor og dramatikk gli saman, og at dansen i regnet kjem akkurat når gleda til hovudpersonen treng eit slikt uttrykk. Det passar godt med opplevinga mi av ein varm romantisk komedie. Sjølv om mikrofonsekvensen prøvde tolmodet, er dette langt meir enn gode nummer sette etter kvarandre.
