Hopp til hovedinnhold
Plakat for Superstar (1999)

Superstar

Film
2

Superstar handlar om ein karakter frå Saturday Night Live, Mary Katherine Gallagher.

Ho er den stygge andungen ved St. Monica High School, og lever med ein draum om å bli skikkeleg kyssa. For å kunne bli det må ho bli ei superstjerne tenker hun.

Molly Shannon og Will Ferrell spelar mot kvarandre i denne labre komedien som stort sett handlar om ein talentkonkurranse. Humoren baserer seg på snodige karakterar, av ein type eg aldri heilt har likt. I fare for å kategorisere på grunnlag av eit show eg har sett lite av, så er dette ein typisk Saturday Night Live-karakter. Tåpeleg og best i små doser.

Superstar kjennest med andre ord som ein altfor lang sketsj. Han vil nok fort gå i gløymeboka.

Wesley Lovell på Cinema Sight (cinemasight.com) meiner også at overgangen frå sketsj til langfilm gir lite å halde interessa oppe med. Han finn eit lyspunkt i Glynis Johns, men opplever mykje av resten som flatt og føreseieleg. Det er lett å kjenne igjen den kritikken. Når eg ikkje har særleg sans for hovudfiguren i utgangspunktet, blir det berre meir merkbart kor lite filmen har utover dei same snodige trekka.